Pacers wala ikalimod nga underdog sila sa Game 5 batok sa OKC

Wala ikalimod sa Indiana Pacers nga underdog sila batok sa Oklahoma City Thunder.

Kini human sa pagbalik sa Thunder sa ilang homecourt alang sa Game 5 sa NBA Finals.

Matod ni Pacers head coach Rick Carlisle nga sa Game 4 wala gyud sila magtuo nga modaog ang OKC ug matabla ang series sa 2-2 sa kaugalingong homecourt sa Pacers.

Iyang giangkon nga nahimong ‘stagnant’ sila mao nga ilang gitugyan ang angay untang 3-1 nga labaw.

Nahimong nindot matod pa ang gihimong play sa Thunder sa matag possession kung asa nakaangkon og switching, trapping og swarming sa kung kinsa ang gunit sa bola.

Kini aron masiguro nga dili mausik ang ilang mga paningkamot aron matapos na ang serye.