Miabot na sa P717.4 milyon ang humanitarian assistance nga naipanghatag sa administrasyon ni Presidente Ferdinand Marcos Jr. ngadto sa mga pamilyang naapektuhan sa habagat ug mga bagyong Luis ug Maymay,
Sumala sa Department of Social Welfare and Development o DSWD nga lakip sa nahatag ang kapin 1.05 milyon ka family food packs, 17,291 ka ready-to-eat food ug 12,740 ka non-food items.
Nagpagawas usab ang DSWD og P2.2 milyon nga financial assistance ubos sa Assistance to Individuals in Crisis Situation o AICS alang sa mga apektadong pamilya.
Matud ni DSWD Secretary Rex Gatchalian, padayon ang relief operations tungod kay hapit na usa ka bulan nga sunod-sunod ang mga weather disturbance nga nakaapekto sa nagkadaiyang bahin sa nasud.
Gipasaligan sa DSWD nga magpadayon ang paghatod sa ayuda sa mga komunidad nga padayon gihapong nag-atubang sa epekto sa kusog nga ulan, pagbaha ug mga bagyo.
