GENERAL SANTOS CITY – Dili babag sa Philippine Drug Enforcement Agency 12 sa pagpasaka ug kaso sa nakaikyas nga marijuana cultivator human naibut sa otoridad ang 27,000 ka mga dagkong punu-an sa marijuana.
Matud ni Kat Abad ang tigpamaba sa PDEA 12 nga ila gihapon nga kasuhan silang Gugwelen Macondon ug Terso Macondon nga mga residente sa tri boundary sa Kiblawan, Davao Del Sur, Tampakan, South Cotabato ug Columbio, Sultan Kudarat.
Human matud pa naibut miaging adlaw ang tanang mga punu-an sa marijuana gilayon nila kining gisunog sa presensya sa pipila ka barangay opisyal kauban sa joint elements sa PDEA 11, PDEA12, kasundaluhan ug kapulisan apan nagbilin ug singkwenta ka punu-an nga gigamit nga exhibit sa korte.
Nakadawat matud pa ug impormasyon ang mga otoridad kalabutan sa plantasyon sa marijuana sa lugar hinungdan nga girespondihan.
Matud sa PDEA kantidad ug P5.5 millionang naasoy nga marijuana nga posebling isuplay dinhi sa rehiyon dose.
