Gipahibalo sa Departamento sa Estados Unidos nga mohatag kini og P450 milyones (USD8 milyones) nga bag-ong pundo aron suportahan ang Philippine Coast Guard (PCG).
Ang nasangpit nga pundo makatabang sa pag-modernize sa ‘PCG infrastructure enhancement, training program development, resource acquisition ug management planning.’
Ang pondo gipahibalo sa ikatulong Maritime Dialogue nga gipahigayon niadtong Oct. 24 diin ang Pilipinas ug Estados Unidos naghisgot sa ilang pasalig sa pagpalig-on sa pagsunod sa internasyonal nga balaod, isip repleksyon sa 1982 United Nations Convention on the Law of the Sea.
Ang maong dayalogo nakatutok sa pagtubag sa epekto sa pagbag-o sa klima, illegal nga pagpangisda ug sa kamahinungdanon sa padayon nga pakiglambigit sa pagpatuman sa balaod sa kadagatan.
Gilusad niadtong 2022, ang Maritime Dialogue nagsilbi nga plataporma alang sa Pilipinas ug Estados Unidos aron matubag ang ‘shared maritime challenges’ ug pagpalawom sa gitawag nga ‘operational coordination’.’
