GENERAL SANTOS CITY – Mi-alokar ang syudad og mukabat sa P4 million alang sa pagsaulog sa ika-79 foundation anniversary sa siyudad og 2018 Kalilangan nga gitakda sunod bulan.
Matud pa ni Kag. Shandee Llido Pestanio, kinsa festival director sa Kalilangan 2018, bisan pa sa kagamay sa budget apan naningkamot ang iyang buhatan og ang MSU katambayayong ang DOT-12 nga mahimong mabulukon at masadyaon gihapon ang kasaulogan.
Gibutyag ni Kag. Pestanio nga padayon pa ang ilang preparasyon apan karon pa lamang nagpasalamat na sa tanang mga nagtabang.
Giawhag niini ang kooperasyon, partisipasyon ug suporta sa mga katawhan aron magmalampuson ang Kalilangan.
Kahibaluan nga unang higayun ni Kag. Pestanio nga mahimong festival director sa Kalilangan kung asa sumala sa nasampit nga usa ka dakong hagit kaniya.
Hinuon, gipasalamatan ang pagsalig kaniya nga dumalahan ang maong event.
Samtang, mag-level-up matud pa ang mga cultural performances atul sa grand opening sa Kalilangan 2018 nga matigayon sa Pebrero 22 sa Oval Stage.
Kini ang gibutyag ni Artistic Director Al Nazzer Ali atul sa programang Good Morning Philippines human nga pipila ang nagpadayag nga makakita ug bag-o atul sa pag-abli sa maong kasaulogan.
Matud ni MSU Professor Ali, bisag mubo, apan atangan ang ‘sweet and spectacular’ nga pasundayag sa grand opening kung asa mag-highlight gihapon sa cultural heritage sa GenSan.
Ang ubang mga aktibidad nga atangan mao ang parada ng Lahi o kadena de amor, wreath laying ceremony, huddyaka sponsors night, Agig dalit pasalamat, kapehan sa dalan, Agri fair sa Oval Plaza og og daghan pa.
Anaa gihapon ang street dancing competition kung asa mukabat sa P250,000 ang magkampeon.
Ang ika-29 nga Kalilangan 2018 ang alayon sa ika-79th nga founding anniversary sa dakbayan.
Ang tema karong tuiga mao ang Cultivating Cultures, inspiring new things
