Gilayon nga gi veto sa Board of Directors sa Philippine Health Insurance Corp. (PhilHealth) ang sogyot nga pagpalit ug P37.5 million nga kantidad sa items alang sa ika-30 anibersaryo sa state health insurer sa bulan sa Pebrero 2025.
Ang naasoy nga kantidad ang parte matud pa sa marketing and promotional expenses sa official event sa Philhealth. Una nga gibutyag sa Department of Health nga nagdesisyon ang board of directors sa Philhealth nga gidumala ni Health Secretary Ted Herbosa nga kanselahon ang plano nga pagpalit aron makadaginot ang pondo sa gobyerno aron masiguro ang hapsay nga alokasyon alang sa mga benepsiyo sa mga miyembro sa Philhealth dungan sa pag-awhag sa financial responsibility.
Kauban sa mga item nga plano nga paliton alang sa anibersaryo sa state health insurer ang mga payong nga nagkantidad ug P7,910, 550.00, Perforated mesh stickers – P7,300,000.00, Tote Bags – P1,820,000.00, Anniversary shirts – P3,640,000.00, Marketing shirts (P1,940,000.00), Jackets (P13,650,000.00) , Katsa bags (P750,000.00) ug Button pins (P545,000.00).
Samtang sa habig usab sa Philhealth, una nga gipaklaro nga naa sa “few hundreds thousand pesos” lamang ang ilang gastuhon alang sa ika 30th anniversary sa sunod tuig ug dili ang inisyal nga planong P138 million. .
