Giaaprubahan sa Department of Budget and Management (DBM) ang pagpagawas ug P309 million alang sa pagpatindog sa Child Development Centers sa 103 barangays sa tibuok nasud.
Kini subay sa direktiba ni Presidente Ferdinand Marcos Jr. nga magtukod og mas lig-on nga pundasyon alang sa kaugmaon sa nasud.
Ang pagpagawas sa nahisgutang pundo gipirmahan ni DBM Secretary Amenah Pangandaman alang sa multi-purpose building projects sa kabarangayan.
Lakip sa mga benepisyaryo sa maong pundo mao ang 89 ka barangay sa Luzon, 106 sa Visayas ug 133 sa Mindanao lakip na ang Bangsamoro Autonomous Region in Muslim Mindanao (BARMM).
Ubos sa programa, ang LGUs kinahanglang mogahin ug labing menos 150 square meters nga yuta, adunay Memorandum of Agreement sa Early Childhood Care and Development (ECCD) Council ug abaga ang operational nga responsibilidad aron maseguro ang long-term viability sa Child Development Centers.
Ang DBM, Department of Education, DILG ug ECCD Council maoy momonitor sa implementasyon ug resulta sa katukoran sa proyekto sa tanang barangay nga makadawat sa pundo.
