GENERAL SANTOS CITY – Gibana-banaan nga anaa sa P250 million ang damyos sa natigayon nga pagbaha sa Maitum, Sarangani Province.
Matud pa kang Raymond Mayled, head sa municipal disaster management office nga sa ilang pagbana-bana nga ana sa P130 million ang damyos sa mga imprastraktura samtang P15 million sa agrikultura og sa livestock.
Hinoon nga gilauman nga mutaas pa ang damyos gumikan wala pa nahuman ang damage assessment. Nasayran nga kahagapong adlawa gideklara na ang state of calamity sa Maitum.
Gumikan niini magamit nila ang P4.5 million nga quick response fund alang sa mga naapektuhan sa baha.
Sa kapin sa 223 ka pamilya nga mihikling anaa na lamang sa 30 ang nahibilin sa municipal gym tungod hingpit nga nadaut ang ilang balay sa kusog nga bul-og sa tubig baha.
Ang lokal nga gobyerno sa Maitum ang naghatag gilayon og pagkaon og laing mga panginahanglanon sa mga residente nga naapektuhan sa baha.
