GENSAN– Andam na ang tanan alang sa bonggang selebrasyon sa ika-47 nga adlawng natawhan ni Kanhi Senador Manny Pacquiao karong adlawa.
Ang pambansang kamao natawo niadtong Disyembre 17, 1978.
Sumala sa kanhi senador, adunay selebrasyon sa iyang adlawng natawhan nga ipahigayon sa usa ka hotel sa siyudad diin sorpresa ang iyang mga mamahimong bisita.
Gibutyag sa Filipino boxing icon nga adunay usa nga swerteng modaog sa raffle og P1 million og uban pang mga premyo.
Gibutyag usab niya nga ang iyang pangandoy sa adlawng natawhan mao ang panaghiusa sa nasud ug ang mga tawo mohunong na sa paghukom sa uban.
Nagpasalamat si Manny sa Ginoo sa mga panalangin nga iyang nadawat, sama sa pagbaton og himsog nga lawas.
Sa sayo pa ning buntaga, giharana si Pacquiao sa mga pulis ug uban pa sa iyang mansyon sa Mateo Road, Brgy. Bula, Gensan.
