GENERAL SANTOS CITY – Pursigido ang probinsya sa Sarangani alang sa full operation sunod tuig sa PHP19-million medical waste treatment facility nga ibutang sa munisipyo sa Alabel.
Matud ni Rolando Tuballes, sa Provincial Environment and Natural Resources Office nga gipadali na ang construction sa pasilidad sulod sa duha ka ektarya nga sanitary landfill sa Barangay Bagacay, Alabel.
Matud ni Tuballes nga ang maong proyekto mugamit ug innovative Pyroclave technology nga target mahuman sa bulan sa Desyembre.
Gikomisyaon matud pa sa gobyerno ang clean technology company RAD Green Solutions nga nakabasi sa Davao City.
Samtang ang developer mao ang Pyroclave Optima nga maoy moproseso sa medical ug pharmaceutical waste aron mamahimo kining abuno.
Tungod niini mag komisyon ang LGu ug “biohazard truck” alang sa pagkolekta sa medical wastes gikan sa medical facilities.
Ang probinsya adunay unom ka hospital nga makatigum ug average nga 120 kg. nga medical waste matag adlaw kung asa baynte kilos niini gikonsidera nga infectious.
