GENERAL SANTOS CITY – Pursigido ang probinsya sa Sarangani alang sa full operation sunod tuig sa P19 million nga medical waste treatment facility nga ibutang sa munisipyo sa Alabel.
Matud ni Rolando Tuballes, sa Provincial Environment and Natural Resources Office (PENRO) nga gipadali na ang construction sa pasilidad sulod sa duha ka ektarya nga sanitary landfill sa Bagacay, Alabel.
Gikadugang pa ni Tuballes nga ang maong proyekto mugamit ug innovative pyroclave technology nga target mahuman sa bulan sa Disyembre.
Gikomisyon sa gobyerno ang clean technology company RAD Green Solutions nga nakabase sa Davao City samtang ang developer mao ang Pyroclave Optima nga maoy moproseso sa medical ug pharmaceutical waste aron mamahimo kining abono.
Tungod niini kinahanglanon sa lokal nga gobyerno ang “biohazard truck alang sa pagkolekta sa medical wastes gikan sa medical facilities.
