GENERAL SANTOS CITY – Gipaklaro ni Dr. Jett Oco, department head sa City Health Office (CHO) nga wala pa napalit sa syudad ang gigahin nga P125 million aron nga ipalit sa bakuna batok sa COVID 19.
Matud pa ni Dr. Oco nga ang gigamit karon sa pagbakuna ang vaccines nga gihatag gikan sa COVAX facility.
Sa pamahayag ni Dr. Oco nga kini gumikan kulang pa ang supply sa mga manufacturers hinungdan nga dili pa makapalit ang syudad.
Giangkon ni Dr. Oco nga ang mga gatrabaho sa bangko sa syudad ang usa sa labing daghan nga natakdan sa virus.
Gibutyag sa maong opisyal nga ang mga trabahante sa bangko ang lakip sa A4 priority list nga wala pay schedule sa bakuna hangtud karon.
Sa pagkakaron ang mga gibakunahan ang mga healthcare workers, senior citizens og may mga commorbidities.
Dili pa masulti niini kung kanus-an sugdan ang pagbakuna sa mga anaa sa A4 priority list.
Kahibaluan nga lakip na ang GenSan sa NCR plus 10 nga gilauman nga mas daghang vaccines ang muabot sa syudad.
