GENERAL SANTOS CITY – Angayang tun-an pagmaayo sa syudad ang posisyon kalabutan sa plano nga mubalik ang operasyon sa Sagittarius Mines Incorporated (SMI)sa Tampakan, South Cotabato.
Sumala pa ni Engr. Rizza Paches, department head sa Public Safety Office nga kung sa dakbayan iagi ang mga nakuha nga ore sa kompanya maapektuhan ang dagan sa tranportasyon sa syudad.
Gikadugang ni Paches nga angayang sayron ang ilang operasyon padulong sa dakbayan alang sa benepisyo sa katawhan .
Gatuo si Paches ang kasagaran sa operasyon sa SMI ang muagi sa dakbayan sa Heneral Santos .
Kahibaluan nga daghan ang mibabag sa operasyon gumikan makadaut sa kinaiyahan.
Magresulta sa pagkalbo sa kinaiyahan og daghan pa.
Ang gikalabal-an sa uban nga kung may kalamidad nga mahitabo ang mga deposito sa minahan ang makaabot sa dakbayan nga magresulta sa kadaut.
