Andam na ang tanan alang sa grand opening sa Batang Pinoy 2025 National Games nga ipahigayon karong adlawa sa General Santos City Sports Complex sa Barangay Calumpang.
Gilauman nga kapin sa 22,000 ka mga atleta, coaches, ug delegates gikan sa lain-laing dapit sa Pilipinas ug pipila ka mga nasud ang magtapok aron ipakita ang ilang abilidad ug kusog sa nagkadaiyang sporting events.
Mainiton nga giabi-abi sa lokal nga panggamhanan sa General Santos City, pinangulohan ni Mayor Lorelie Geronimo-Pacquiao, ang tanang partisipante sa nasudnong sports event nga nagtinguha sa pagpalig-on sa panaghigalaay, disiplina, ug kalamboan sa kabatan-onan.
Sumala sa Philippine Sports Commission (PSC), ang Batang Pinoy usa ka plataporma nga nagatukod og oportunidad alang sa mga batan-ong atleta aron mapalambo ang ilang talento ug mahimong sunod nga mga pambansang kampyon.
Gipahinumduman usab ang tanang delegasyon nga mag-apil sa Grand Parade para sa Opening Ceremony karong adlawa, Oktubre 25, 2025.
Ang assembly time magsugod alas-1:30 sa hapon, sundan sa parade alas-3:30, ug dayon ang Grand Opening Ceremony alas-5:00 sa hapon sa maong sports complex.
Gilauman nga mapuno sa kusog, kadasig, ug kalipay ang Gensan samtang opisyal nang magbukas ang Batang Pinoy 2025, nga nagdala sa tema sa pagkahiusa ug paglambo sa kabatan-onang atleta sa tibuok nasud.
