GENERAL SANTOS CITY – Gilauman nga mas mudaghan pa ang mudagsa ning semanaha sa one-stop shop sa pagproseso ug pagrenew ug business permit.
Kini ang gibutyag ni Geraldine Zamora, division head sa Business Permits and Licenses Division, atul sa programang Good Morning Philippines.
Matud ni Zamora, mas paspas ug maayo nga layo ra kon itandi sa nakalabay’ng mga tuig ang kasamtangang sitwasyon sa pagproseso ug business permits sa siyudad, pinaagi sa bag-ong sistema.
Kini luyo nga wala pa gihapon nakab-ot ang target nga duha ka oras lang makuha na ang business permit.
Apan bisan sa maong kausaban, daghan matud pa gihapon ug mga kinahanglang i-improve sa ilang buhatan, hilabi sa computer system nila gumikan may mga higayon nga nagka-problema.
Nasayran nga 700 na gilayon ka mga business permits ang na-release sa BPLD sa unang tulo ka adlaw pa lamang sa one-stop shop.
Kahibaluan nga able gihapon sila bisan sa adlaw’ng Sabado ug Dominggo, aron ma-cater ang tanang gaproseso.
Dugang pa ni Zamora nga 11,000 ang target nila ka business permits nga mapanghatag, ug galaum nga pag-abot sa deadline sa Enero 20, makaabot sa 80 percent ang naka-renew na.
