Malipayon nga gianunsiyo ni Filipino-American singer-songwriter Olivia Rodrigo ang pagpahigayon niini ug konsiyerto sa nasud. Ipahigayon kini sa Oktubre 5 sa Philippine Arena.
Magsugod ang pabaligya sa tickets sa umaabut nga Setyembre 14 alas-10 sa buntag.
Matud niini nga tanan nga kitaon ang maadto sa Fund 4 Good nga usa ka global iniatives nga nagatabang alang sa libreng edukasyon sa mga babaye ug ang pagsuporta sa reproductive rights lakip ang prevent gender-based violence.
Nagkantidad ang matag tickets ug P1,500 kung asa limitado lamang sa upat ka tickets ang mapalit matag indibidwal. Sa social media account sa singer malipayon niini nga gibalita ang nagkaduol nga concert.
Kabahin kini sa iyang “GUTS” tour sa Asia ug Australia. Magsugod ang tour sa Asya Setyembre 16 hangtud Okutbre 1 nga sundan sa Australia sa Oktubre 9 hangtud 18.
Si Rodrigo ang gipanganak ug midako sa California kung asa ang amahan niini ang Filipino samtang ang inahan German-Irish.
Ang Grammy Award winner ang nagpasikat sa mga kantang “Drivers License” , “Traitor” ug “DE JAVU”.
