Oldest og youngest tennis player sa kasaysayan sa Olympics, nag-atubangay sa Paris, France

Nag-atubangay sa Paris Olympics 2024 ang ‘oldest player’ og ‘youngest player’ sa tennis.

Kini mao silang twenty-four-time Grand Slam champion nga si Novak Djokovic og French Open og Wimbledon champion nga si Carlos Alcaraz.

Kahibaluan nga sa edad nga 37 anyos, si Djokovic mao ang ‘oldest player’ nga nagdula sa tennis men’s singles final sa Olympics, samtang si Alcaraz usab ang pinakabatan-on sa edad nga 21.

Sa ilang pag-atubangay, nakuha ni Djokovic ang Olympic gold medal sa ikalima nga higayon niini nga pagtunob sa Olympiada.

Ang gold medal sa Olympics mao usab ang nagkumpleto sa career ‘Golden Slam’ sa Serbian tennis superstar.

Gipildi niini ang French Open og Wimbledon champion nga si Alcaraz sa straight sets, 7-6(3), 7-6(2).