Nagdaog nga 2025 NBA Champion ang Oklahoma City Thunder.
Nahimo sa Thunder nga patumbahon ang Pacers sa Game 7, 103-91, sa pagpanguna ni Shai Gilgeous-Alexander nga mikamada og 29 points, 12 assists, og 5 rebounds sa sulod sa 40 ka minutos nga pagdula.
Gipahimuslan sa team ang injury ni Pacers guard Tyrese Haliburton aron madomina ang dula, ilabina sa 3rd quarter kung asa mihimo ang 2025 NBA Champion og 34-20 run.
Sa unang quarter sa dula, nakaangkon si Haliburton og dili pa matumbok nga injury og kinahanglan na siyay nga dalhon sa mga medical staff sa locker room.
Gipugos gihapon nga makigdungan sa iyang mga Pacers player og nahimo nilang iposte ang 1-point lead sa pagtapos sa 1st half, 47-48.
Apan hingpit kining gipapha sa Thunder human ang sayong lead sa 3rd quarter kung asa sa unang lima ka minuto nahimo sa team mga iposte ang 18-8 run.
Wala na nagpasagad ang Thunder og gipabilin ang nindot nga lead sa pagtapos sa Game 7. Samtang, sa pito ka minutos nga pagdula ni Tyrese Haliburton sa hardcourt, nahimo niya nga mag-amot og siyam ka puntos, apil ang all-around presence sa pagsugod sa dula.
Hilabihan usab nga nag-level up ang reserve guard sa Indiana nga si Bennedcit Mathurin og nahimo niya nga magsulod og 18 points og miilog og 12 rebounds sa pagpabilin sa hardcourt.
Kung balikan sa kasaysayan, upat ka higayon ng midila ang OKC sa NBA Finals apan usa lamang ang malampuson niining napadaog kaniadtong 1979 Finals.
Ang maong team ginatawag pa kaniadto nga Seattle Supersonics.
Tungod sa kadaugan sa kasamtangang Thunder roster, duha ka kampeonato na ang bitbit sa team.
