-- ADVERTISEMENT --
Sulod na sa NBA Finals ang Oklahoma City Thunder human gipildi ang Minnesota Timberwolves sa iskor nga 124-94 sa Game 5 sa Western Conference Finals.
Nibida si NBA Most Valuable Player Shai Gilgeous-Alexander nga mitala og 34 ka points, 8 ka assists, ug 7 rebounds, aron pangulohan ang Thunder sa ilang 4-1 nga kadaugan sa best-of-seven series.
Miamot usab sa dakong kontribusyon si Chet Holmgren nga adunay 22 points samtang si Jalen Williams nakadugang og 19 points para sa OKC.
Ulahing nakasulod sa finals ang Thunder sukad pa sa tuig 2012, diin makaatbang nila ang kinsa mang modaog tali sa Indiana Pacers og New York Knicks.
