Lauman sa mga motorista ang laing hugna sa rollback sa matag litro sa diesel ug kerosene, samtang ang presyo sa gasolina ang gipaabot nga muosbaw sa musunod nga semana.
Subay sa oil trading sa milabay nga upat ka adlaw, sumala ni Department of Energy-Oil Industry Management Bureau Director III Rodela Romero nga ang maong oil price adjustments sa mga produktong petrolyo ang masinatian sa Hulyo 22 sa kasamtangang tuig.
Gibutyag ni Romero nga posibleng wala o adunay pagsaka nga P0.20 matag litro alang sa gasolina.
Samtang, may pagsaka sa presyo sa diesel nga gibanabanaan nga anaa sa P0.30 hangtod P0.60 matag litro.
Ang presyo sa kerosene ang mukunhod sa P0.60 hangtod P0.70 matag litro.
Sa pamahayag sa nasampit nga opisyal nga ang resulta sa trading kagahapon ang magdetermina sa oil price adjustments
Kasagaran ang mga oil companies ianunsyo ang price adjustments matag Lunes og magpatuman niini sa sunod nga adlawng Martes.
