-- ADVERTISEMENT --
GENERAL SANTOS CITY – Naluoy apan gahi matud pa’g ulo si OIC CITY PNP Director PSrSupt. Ruel Berango luyo nga gihatagan na og igong panahon aron maglihok sa operasyon sa STL sa dakbayan.
Kini ang nahimong pahayag ni Kagawad Jeng Gacal kon asa gumikan niini, nanganting muhimo gayud siya og lakang aron mapasakaan og kaso sa Ombudsman si Berango.
Sumala pa ni Kag. Gacal, kasong de-relection of duty ang iyang ipasaka batok sa labaw sa kapulisan sa dakbayan gumikan gipasagdan ang operasyon sa STL bisag ang PNP Legal Department ang nagsulti nga supak sa balaod sa syudad ang maong sugal.
Sa sesyon sa SP niadtong martes, gibutyag ni Kag. Gacal nga gahipos na siya og dugang mga ebidensya alang sa ipasakang kaso batok kay Berango.
