-- ADVERTISEMENT --
Opisyal nga gideklarar sa Department of Agriculture (DA) ang Nueva Vizcaya isip “Ginger Capital of the Philippines”.
Matod ni Agriculture Sec. Francisco Tiu Laurel Jr., kini nga pag-ila dili lamang usa ka titulo kon dili usa ka saad sa paghatag og suporta diin kini tinuod nga importante.
Sumala sa Philippine Statistics Authority, nanguna ang Nueva Vizcaya sa produksiyon sa luy-a niadtong 2024. Nakaani kini og gibana-bana nga 7,140 metriko toneladang luy-a gikan sa 933 ektarya nga yuta.
