GENERAL SANTOS CITY – Gipahugtan ang monitoring sa National Meat Inspection Service (NMIS) sa rehiyon sa pagsulod sa mga pork meat products gikan sa ubang rehiyon nga posebli nga apektado sa African Swine Fever (ASF) sa Luzon.
Matud ni Dr. Myrna Habacon, NMIS-12 director,nga nagbutang na ug enforcement team aron sa pagmonitor sa kalihukan sa live hogs ug pork meat products sa rehiyon gikan sa border areas lakip sa local markets.
Matud ni Habacon nga estrikto nga gibantayan sa Bantay Karne teams ang pag-ihaw ug pagbaligya sa karne.
Gipaniguro usab nga limpyu ang gibaligya nga karne sa merkado, mga outlet lakip sa mga accredited nga ihawanan.
Matud niini nga ang tanan nga mananap hilabi na ang babaoy ang adunay permit una dad-on sa mga slaughter house inubanan sa meat inspection certificates.
Gimandu-an usab ang mga nagnegosyo ug karne nga i display ang inspection certificates sa ilang mga stalls.
