Nagduso karon ang Punong Ministro sa Israel nga si Benjamin Netanyahu alang sa usa ka ‘military solution’ aron maluwas ang gibana-bana nga 20 nga nahabilin nga mga hostage nga gihuptan gihapon sa Hamas sukad kaniadtong Oktubre 7, 2023.
Sumala sa taho, usa ka opisyal sa Israel ang nag-ingon nga ang relasyon tali sa Israel ug Estados Unidos nagpadayon, tungod kay ang Hamas klaro nga dili interesado sa usa ka kasabutan nga buhian ang mga hostage sa Israel.
Tungod niini, gusto ni Netanyahu nga palapdan ang mga operasyon sa militar sa Gaza aron mapugos ang pagpagawas sa mga hostage.
Kahinumdoman nga liboan ka mga tao ang nagprotesta sa Tel Aviv kaniadtong Sabado aron i-demand sa gobyerno nga tapuson ang gubat ug ibalik dayon ang nahabilin nga mga hostage.
Sa samang higayon, ang kalibutanhong kabalaka ang mas nisamot sa nagkagrabeng krisis sa kagutom sa Gaza. Sumala sa Gaza Health Ministry nga gipadagan sa Hamas, kapin sa 175 ka mga tao, lakip ang 93 ka mga bata ang namatay tungod sa malnutrisyon.
Bisan ang Israel miinsistir nga nagdala kini og igo nga humanitarian aid, ang internasyonal nga mga organisasyon nag-ingon nga kini dili igo, ug ang pipila ka mga dapit sa Gaza namiligro sa gutom.
