Nisaka sa kinatibuk-ang net worth ni Bise Presidente Sara Duterte ug sa iyang bana nga si Atty. Manases Carpio, ngadto sa ₱98.6 milyon sa ilang 2025 Statement of Assets, Liabilities and Net Worth (SALN).
Kini mas taas og sobra sa ₱10 milyon gikan sa ₱88.5 milyon sa 2024.
Ang SALN nag-ingon nga sila adunay ₱81.3 milyon sa real properties, ₱41.4 milyon sa personal properties, ug ₱24.1 milyon sa liabilities.
Sa P41.4 milyon sa personal properties, ang ₱7.4 milyon ug ₱4.8 milyon gilangkoban sa mga sakyanan ni VP Sara ug Atty. Carpio.
Samtang ang ₱16 milyon para kang Duterte ug ₱10.8 milyon para kang Carpio nalakip sa kategoryang “others”.
Gideklara usab ni Duterte nga siya usa ka incorporator ug stockholder sa Metro City Chow Foods sukad niadtong 2007 ug usa ka stockholder sa Gencorp Industries Inc. sukad niadtong 2013.
Gikuwestiyon kaniadto sa pipila ka mga magbabalaod ang iyang pagka-board member ug stockholder sa Metro City Chow Foods gikan sa 2022 hangtod 2025, sumala ni Cagayan de Oro 1st District Representative Lordan Suan mahimong makalapas sa probisyon sa 1987 Constitution nga nagdili sa Bise Presidente sa pagkupot og ubang mga posisyon samtang naa sa pwesto.
