Gideklarar nga bag-ong kampeon sa America’s Got Talent ang 16-anyos nga rocker nga si Nene Royal.
Siya usab ang unang mananaog sa maong talent show nga gikan sa Thailand.
Sa finals, iyang gikanta ang “Seven Nation” sa American rock duo nga The White Stripes.
Napildi ni Rattikarn Amloy sa tinuod nga kinabuhi ang ubang finalists nga mga magician, canine performers ug robot dance crew.
Nahimong fan favorite si Nene human sa iyang audition performance sa kanta nga “Zombie” sa banda nga The Cranberries.
Sa wala pa ipahibalo ang resulta, mikanta siya uban sa bandang Linkin Park ug ilang gikanta ang “The Emptiness Machine,” nga nahimong sikat nga kanta sa grupo niadtong 2024.
Nakadaog siya og $1-Million isip premyo sa ika-21 nga season sa maong talent show.
Naghugyaw ang mga taga-Thailand, nga gipangulohan ni Prime Minister Anutin Charnvirakul, sa paghatag og pahalipay kang Nene.
