NCMF sa dakbayan nagsugod na sa pagproseso sa pag-refund sa mutawiff fee

GENERAL SANTOS CITY – Nagsugod na sa pagproseso ang National Commission on Muslim Filipinos (NCMF) sa dakbayan sa pagrefund sa mga mutawiff fee sa mga mag-haj sa Saudi Arabia.

Kini human nga gikansela ang haj karong tuiga gumikan sa bahad sa COVID 19.

Apan gipaklaro ni Aida Seddic, provincial director sa NCMF sa dakbayan nga gawas sa refund pwede nga diii usab kuhaon nga ireserba sa sunod tuig nga haj.

Ang angayang himoon nga muadto sa ilang buhatan aron masugdan ang proseso.

Sa kapin 60 ka mga nag-apply nga mag-haj unom lang ang nakabayad nga ang uban ang nagsugod na sa pagproseso sa mga dokomento.

Gibutyag ni Seddic nga unta karong bulan sa Hulyo magsugod na sa pagbiyahe padulong sa Saudi ang mga buot nga mag-haj.