Mipanaw na ang banggiitang actress nga si Nora Aunor sa edad nga 71.
Gikumpirma kini sa iyang anak nga si Kristoffer Ian De Leon Abril 16, 2025 kung asa nakabsan kini sa kinabuhi sa The Medical City, Pasig City.
Wala pa gibutyag sa kabanay niini ang hinungdan sa iyang kamatayon.
Gipanganak ang actress o Nora Cabaltera Villamayor sa tinuod nga kinabuhi niadtong Mayo 21, 1953 sa Camarines Sur.
Nagsugod ang career niini dihang magkampeon sa Tawag ng Tanghalan kaniadtong 1967.
Nagtinda pa kini og tubig sa estasyon sa tren sa Bicol hangtod nahimong sikat nga singer.
Ang actress gikonsiderang nag-inusarang superstar sa Philippine entertainment industry og gipasidunggan isip National Artist for Film and Broadcast Arts.
Daghang awards ang naangkon ni Nora sa mga pelikula niya sama sa 19th Cairo International Film Festival niadtong 1995 sa pelikulang “The Flor Contemplacion Story”.
Samtang ang pelikula niya nga “Ang Himala” niadtong 1982 gikonsidera isip CNN APSA Viewers Choice Award sa Best Asia-Pacific Film of all time sa tuig 2008.
Gikonsidera nga siya isip most nominated actress sa leading sa kasaysayan sa FAMAS Awards nga adunay 17 ka higayon kini nga nominado gikan pa niadtong 1973 nga ikaduha sa mipanaw nga actor nga si Eddie Garcia nga adunay 23 nominasyon sa leading og supporting role.
Tuig 1991 dihang mahimong FAMAS Hall of FAMAS na siya nga ikaunom nga kauban silang Eddie Garcia, Joseph Estrada, Charito Solis, Fernando Poe Jr og Vilma Santos.
Samtang sa Gawad Urian nakaangkon kini og 21 nominasyon kung asa pito niini ang iyang nadag-an samtang sa Metro Manila Film Festival nagdaog siya og walo ka best actress trophies nga adunay 13 nominasyon sa lima ka daog.
Siya lamang ang nagdaog og best actress awards sa tulo ka sunod nga tuig sa Film Academy of the Philippines.
Ang actress usab ang bugtong adunay pinakadaghang international best actress awards og nominasyon.
Siya ang bugtong actress sa Pilipinas nga nagdaog og mga international awards sa lima ka nagkadaiyang kontinente nga gilangkoban sa 19th Cairo International Film Festival in 1995 (Africa), 1st East Asia Film and Television Award in 1997, Asian Film Awards in 2013 and 3rd Sakhalin International Film Festival (Asia), 31st Festival International du Film Indépendant de Bruxelles in 2004, Premio Della Critica Indipendiente in 2013 and St. Tropez International Film festival in 2015 (Europe), Asia Pacific Screen Award in 2013 (Australia) og Green Planet Movie Award (North America).
Niadtong Hunyo 10, 2022 dihang gihatagan siya og Order of National Artist sa nasod.
