GENERAL SANTOS CITY – Dakong butang aron mapahuyang pa ang pwersa sa NPA ang pagkaaresto sa lider og usa ka miyembro sa Guerrilla Front Committee 73 nga gaoperate sa Sarangani og South Cotabato sa Maasim, Sarangani Province.
Kini ang gibutyag ni LTC. Benjamin Leander, Batallion Commander sa 27th IB.
Kagahapon, dihang giatubang sa 27th IB sa media ang naarestong NPA members nga silang Jojo Calis Bulahing, 29, alias Agot og alias Bunso, taga tulunan North Cotabato, Jasmin Bandrang, kinsa political og medical officer, og Reymund Damu, alias Teng, ang platoon team leader sa grupo.
Giusa-usa sa tulo ang ilang papel og Guerilla Front Committee 73 og ilang kasinatian samtang anaa sa kalihukan.
Giangkon sa lider nga si Bulahing, una pa sila nadakpan sa Maasim, nag-escort sila kay Kumander Ronron sa pag-adto sa usa ka dapit sa MAKINA AREA.
Lima sila niadtong panahuna kon asa ang duha ang wala naapil pagdakop sa otoridad human nga nananghid kaniya nga adunay adtuan.
Giangkon sa nasampit nga siya ang kumander sa Centro de Grabidad sa Front Committee 73 og ang ilang grupo ang maoy responsable sa serye nga pagpanunog sa mga heavy equipments og bus sa Socsargen, ingon pag-atake sa pipila ka business establishment og military installitions.
Kahibaluan nga dihang giaresto ang tulo, narekober kanila ang granada og armas.
