Misaka na sa siyam katawo ang namatay tungod sa paghapak sa bagyong Carina.
Sumala sa National Disaster Risk Reduction and Management Council (NDRRMC) nga adunay duha ka samdan og usa ang gireport nga nawala.
Ang mga namatay nga gikan sa Zamboanga Peninsula ang anaa sa upat, duha sa Bangsamoro Autonomous Region in Muslim Mindanao (BARMM) og tag-usa sa Northern Mindanao og Davao Region.
Usa ka ulitawo usab ang nakaplagang patay human malumos sa Infanta Bridge sa Barangay 96 sa Tondo, Maynila.
Nakaapekto usab sa 179,744 nga pamilya ang maong bagyo o bugti sa 866,483 katawo.
Gibanabanaan nga mukabat sa P8.7 milyon ang damyos sa agrikultura sa Western Visayas, Zamboanga Peninsula, Northern Mindanao og BARMM samtang ang gireport nga damyos sa mga imprstraktura anaa sa P700,000 gawas pa sa mga damyos sa mga kabalayan nga anaa sa P2.5-M.
Dugang pa sa NDRMMC nga ang southwest monsoon ang nagdala og grabeng pag-ulan sa nagkadaiyang bahin sa nasod sugod pa niadtong Hulyo 11 nga gipakusog pa sa bagyong Butchoy og Carina.
Nanghatag usab ang Department of Social Welfare and Development (DSWD) og P29-M nga mga hinabang sa mga gipahikling nga naapektuhan nga pamilya.
