GENERAL SANTOS CITY- Makadaghan nga nagbalik-balik sa fishport dinhi sa syudad ang taga Maasim Sarangani nga namatay human nagpositibu sa COVID-19.
Kini ang gibutyag ni Sarangani Provincial Health Officer Dr. Arvin Alejandro nga ang nasampit nga pasyente ang gisaligan sa iyang Amo nga magpahigayon ug transaction sa fishport ug iyang nahimamat ang mga buyer sa isda.
Gikadugang ni Dr Alejandro nga sa ikaduhang semana sa bulan sa Agusto nagsugod na ang mga sintomas sa COVID-19 ang maung pasyente.
Gani daghang higayon nga nag-travel ang pasyente dili lang dinhi sa dakbayan apan sa ubang bahin sa Rehiyon 12.
Samtang 51 na ang ilang na-contact human nakahimamat sa pasyente.
Lauman usab nga madugangan pa tungod nagpadayon sa pagkakaron ang ilang contact tracing hangtud sa ika upat nga level.
