Mukabat na sa 46 ka kaso sa bronchial asthma ug acute exacerbation ang natala sa Department of Health (DOH) sa tibuok nasud luyo nga gilauman nga musaka pa ang naasoy nga ihap samtang nagapaduol ang pagtagbo sa Bag-ong Tuig.
Matud sa DOH nga anaa pa sa ubos nga ihap ang kasamtangan nga kaso samtang nagapangandam sa pagdagsa sa mga pasyente sa pagsulod gayud sa bag-ong tuig .
Tambag sa ahensiya sa mga tawo nga adunay susama nga balati-an nga magsul-ob ug N95 masks u kaha surgical masks ug tabunan ang ilong ug baba ug basa nga panapton samtang naa duol sa mga fireworks display aron kapugngan ang exposure sa aso.
Gawas sa maong balati-an gibantayan usab sa DOH ang ihap sa naigo sa pabuto sa tibuok nasud una ang pagsulod sa bag-ong tuig.
Subli nagpasidaan ang DOH sa publiko kalabutan ang peligro sa paggamitan ug mga pabuto samtang giawhag nga mutan-aw na lamang sa mga community fireworks displays nga makita sa palibut.
