GENERAL SANTOS CITY – Nagnegatibo sa forensic examination ang patay nga lawas sa naghikog nga reservist army nga nadestino sa 1205th Community Defense Center sa Asinan Brgy Buayan ning syudad.
Kahinumduman nga nakaplagan na lamang nga wala nay kinabuhi og adunay pinusilan sa ulo ang nagpangalan ug Caloy Aglo, hamtong ang pangidaron sa cottage sa maong kampo.
Matud pa kang P/Chief/Insp. Honorio Reyes Ani, usa ka forensic chemist nga basi sa ilang pagsuta, negatibo sa gun powder ang mga kamot ni Aglo.
Ug sa gipahigayong ballistic examination ni Po3 Chavan Cahilsot, usa ka fire arm engineer, gibutyag niini nga nagpositibo ang basiyo sa M14 diamond rifle nga maoy gigamit sa pagpusil sa biktima.
Una ng gibutyag nga matud pa nagpusil sa kaugalingon si Aglo kaniadtong Hunyo 2. Kini nahitabo human usab sa pagbisita ni Sen. Manny Pacquiao sa maong kampo.
Ug gani, gikabutyag nga nagpusil matud pa kini sa kaugalingon human depresyon gumikan sa mga problema matud pa niini sa pamilya og sa iyang hinigugma..
Pagkakaron, gipalawman sa kapulisan ang gipahigayong imbestigasyon sa maong insidente..
