Nagpasaka og reklamo ang aktres ug singer nga si Nadine Lustre tungod sa paglapas sa “Safe Spaces Act” tungod sa iyang giingon nga nagpadayon ug malisyoso nga pag-atake kaniya sa social media.
Kini nga lakang gisuportahan ni incoming ML Partylist Representative Leila de Lima, kinsa gi-endorso usab ni Lustre sa miaging eleksyon.
Matod ni De Lima, importante ang gihimo sa aktres sa panahon nga gigamit ang social media aron pahilomon ang mga nagpasiugda sa hustisya ug reporma.
Gihatagan og gibug-aton ni De Lima nga ang kagawasan sa pagpadayag dili angay gamiton sa pagguba sa kamatuoran, dignidad, ug demokrasya.
Dugang pa niya nga ang online nga pagdumot nga mga pahayag dili lamang mga opinyon apan bahin sa sistematikong pagbutangbutang ug pagpanghadlok.
Gitawag ni De Lima ang kaso ni Lustre nga baruganan alang sa kamatuoran ug tulubagon. Siya miingon, “stand for truth and accountability.”
Gipasalamatan usab ni De Lima si Lustre sa iyang kaisog, nga nagkanayon nga mas molig-on ang pakigbisog alang sa tawhanon ug makiangayon nga katilingban sa matag lakang sa aktres.
