GENERAL SANTOS CITY – Masaligon si Glan Municipal Mayor Vivien Yap nga hingpit nang nakontrol ang pagsulod sa African Swine Fever human nagpahigayon ug culling nakalabay nga adlaw.
Kini ang gibutyag ni Mayor Yap sa tigum nga giatenderan kuyog ang pipila ka lider sa probinsya nga giatenderan sa mga Vetirinary Officer sa silingan nga syudad sa SocSarGen.
Mukabat matud pa sa 96 ka mga baboy ang napailawom sa culling nga nasulod sa 500 meter radius hinungdan nga hingpit nang nasumpo ang kagaw sa baboy.
Gani pulos negatibu na sa ASF ang mga baboy nga gipailawom sa test sa municipal Vetirinary Office mao nga gibutyag niini nga dili na big deal kaniya ang isyu sa African swine fever.
Kahinumduman nga nakasulod ang ASF sa GLan tungod adunay residente gikan sa Jose Abad Santos Davao Occidental nga nagbitbit ug karne sa baboy paingon sa Pangyan.
Kahinumduman nga nasikop sa ASF checkpoint sa Malungon Sarangani ang chorizo ug ubang mga meat products nga gikarga sa wing van nga gikan sa Davao City nga ipasulod unta sa General Santos hinungdan nga gikumpirma ug gipangsunog sa mga sakop sa Provincial vetirinary office.
