GENERAL SANTOS CITY – Angayang maghimo og rehabilitation and recovery plan ang Maitum, Sarangani Province human nga nakasinati og halapad nga pagbaha sa miaging semana.
Matud pa ni Rene Punzalan, labaw sa Provincial Disaster Risk Reduction and Management Office kon PDRRMO Sarangani nga kini aron nga makapangita og pondo sa ipatukod nga mga balay, pagpaayo sa nadaut nga dalan o kaha sa subli nga paghimo og taytayan.
Gikadugang pa ni Punzalan daghang mga infrastructure projects ang nadaut sa maong pagbaha.
Gikadugang pa niini nga kung ang nadaut ang provincial anaa sa LGU Sarangani ang pagpaayo niini apan kung national projects ang Department of Public Works and Highway kon DPWH.
Kahibaluan nga sa 19 ka mga barangay sa Maitum 15 niini apektado sa pagbaha.
