Hugot nga gipangandaman sa lokal nga gobyerno sa Sarangani sa Munato Festival 2021 nga may tema nga Kulturang Matatag.
Matud pa kang Langlang Rudes, provincial tourism officer sa Sarangani nga virtual ang mga aktibidad gumikan bawal pa ang panagtapok ning higayona tungod sa COVID 19.
Gikadugang pa niini nga luyo nga sa Nobyembre 28, 29 og 30 masaksihan pinaagi sa Munato facebook page ang mga aktibidad apan nagsugod na sa pagshot o practice ang mga partisipante gumikan pre-recorded.
Ang mga aktibidad nga giandam mao ang Munato film Festival, Munato virtual museum, Munato Talks, Munato Queen, Sarangani Got Talent, Jesus Reigns og kada gabii may aktibidad alang sa mga live audience.
Ang Munato film Festival, ang abli sa dili taga Sarangani apan ang shooting nakasentro sa probinsya nga ipromotar ang turismo.
Sa bahin sa Munato Queen, ang matag munisipyo sa probinsya ang magpapili sa ilang kandidata base sa qualification nga gikatakda nga 18 to 24 years old, fully vaccinated nga may contributions sa komunidad una o atol sa pandemya.
Ang pulong nga Munato ang usa ka Blaan nga pinulungan nga ang Muna nagpasabot nga una og to nagtumbok sa tawo.
