GENSAN- Nagpahigayon ug candle lighting ang Fisheries Students’ Organization sa Mindanao State University – General Santos kagahapong adlawa, aron paghinumdom sa kinabuhi ni Miyuki Kim ug panawagan sa pagkab-ot sa hustisya alang kaniya.
Sa maong aktibidad, napuno sa kasubo ang lugar samtang ang mga higala ug klasmeyt ni Miyuki nag-ambit sa ilang mga kasinatian ug mga mga handumanan kauban siya.
Gisul-ob usab sila og kolor itom nga sinina isip simbolo sa ilang simpatiya ug pagdungog sa maong trahedya.
Kahinumduman nga si Miyuki Kim, 21 anyos, namatay human kini gitusak-tusak ug dunggab sa sulod sa ilang panimalay kaniadtong Disyembre 8, 2025.
Ang iyang mga kauban sa klase nagpadayon sa pagpangayo ug hustisya alang sa brutal nga kamatayon sa dalaga.
Ang nasampit nga aktibidad nagpamatuod sa dakong kasubo ug solidarididad sa mga estudyante sa College of Fisheries sa pagkawala sa ilang kauban ug sa ilang panawagan alang sa hustisya.
