GENERAL SANTOS CITY – Magsugod na ugmang adlawng Lunes Oktobre 26 ang measles rubella simultaneous immunization activity (MRSIA).
Matud pa ni Dr. Lalaine Calonzo, sa City Health Office (CHO) nga may mga pamaagi na sila nga gihimo aron dili magtapok ang mga tawo.
Sa iyang pamahayag nga ang magbakuna nga mga health workers batok sa tipdas ang wala na naapil sa contact tracing alang sa COVID 19.
Kini gumikan adunay gi-hired na ang contact tracers ang gobyerno nga mututok sa maong trabaho.
Ang apila ni Dr. Calonzo sa mga ginikanan nga pabakunahan ang mga bata nga nagpangidaron og siyam ka bulan hangtud sa 59 ka bulan.
Libre kini nga gihatag sa gobyerno kung asa napamatud-an na ang pagka-epektibo sulod sa dugay nga panahon.
Nasayran nga sa tibook Rehiyon 12 mukabat sa 463,675 ka mga bata ang target nga mabakunahan.
Sa North Cotabato mukabat sa 147,474 ang target usab nga mabakunahan 90,508 sa South Cotabato, 79,252 sa Sultan Kudarat, 57,828, sa Sarangani, 58,776 sa GenSan og 29,837 sa Cotabato City.
Ang bakuna batok sa tipdas ang mulungtad ngadto sa Nobyembre 26, 2020.
