Gisupak sa prosekusyon ug mga abogado sa mga biktima ang mosyon ni kanhing Pangulong Rodrigo Duterte nga i-reframe o usbon ang porma sa mga kaso nga crimes against humanity batok kaniya sa International Criminal Court o ICC.
Sa mosyon nga gisumite niadtong Agosto 31, gihangyo sa kampo sa depensa ni Duterte nga usbon sa prosekusyon ang charging document ug magsumite og updated nga dokumento sa Pre-Trial Chamber sa ICC.
Matud sa iyang defense counsel nga si Peter Haynes, dili igo ang orihinal nga dokumento nga naglatid sa mga kaso ug kinahanglan kini tangtangon.
Apan sa ilang managlahing tubag niadtong Septiyembre 10, giingon sa prosekusyon ug sa mga abogado sa mga biktima nga kinahanglan ibasura ang maong mosyon tungod kay nakumpirma na sa Pre-Trial Chamber ang mga kaso batok kang Duterte.
Gipasabot sa prosekusyon nga dili gikinahanglan nga ilista sa charging document ang matag kriminal nga buhat nga mahimong basehan sa usa ka kaso. Apan gilimitahan usab niini nga mahimo lamang manubag si Duterte sa mga insidenteng sakop sa nakumpirmang kaso ug kung mapamatud-an sa prosekusyon ang iyang criminal responsibility beyond reasonable doubt.
Gikatakda ang sunod nga status conference sa kaso ni Duterte karong Septiyembre 16, samtang magsugod ang paglilitis sa Nobyembre 30.
