GENERAL SANTOS CITY – Nasikop ang usa sa mga mst wanted person sa tibuok rehiyon sa gipahigayong operasyon sa hiniusang pwersa sa kapulisan.
Naaresto si alyas nga “Louie”, 37 anyos, minyo, ug lumulupyo sa Libungan, Cotabato.
Ang nasampit ang Top 8 Most Wanted Person sa regional level.
Nadakpan ang nahisgutan pinaagi sa warrant of arrest nga giisyu sa Regional Trial Court (RTC) Branch 24, 12th Judicial Region, Midsayap, Cotabato, alang sa kasong statutory rape ilawom sa Article 266-A sa Revised Penal Code.
Walay girekomenda nga piyansa alang sa iyang temporaryong kagawasan.
Sa pagkakaron, anaa na sa kustodiya sa Libungan Municipal Police Station ang akusado alang sa hustong dokumentasyon ug disposisyon.
Gipasidunggan ni PBGEN ARNOLD P. ARDIENTE, Regional Director sa Police Regional Office 12, ang tanang operatiba nga nalambigit sa maong operasyon.
Ang pagkadakop sa suspetsado usa ka timaan sa among tinuod-aray nga paningkamot nga ihatud ang hustisya ug panalipdan ang mga inosente, ilabina ang kabataan.
