Usa ka ascetic monk sa India nga ginganlan og Daulat Giri Ji Maharaj ang lima na ka tuig nga padayon nga nagbarog human manumpa nga dili molingkod o mopahigda sulod sa 12 ka tuig.
Apil si Maharaj sa sektang Khareshwari o “Standing Babas”, diin ang mga miyembro manumpa nga magpabiling nagbarog isip porma sa sakripisyo aron malimpyohan ang ilang kalag ug mas maduol sa ilang gituohang diyos nga si Shiva.
Aron matuman ang iyang panumpa, naggamit ang mga monghe og mga lubid, duyan ug espesyal nga harness aron makatabang sa pagpabiling barog bisan pa og kapoyon na ang ilang mga bitiis.
Sa mga litrato ug video ni Daulat, makita nga siya mopahuway usahay sa usa ka gisab-it nga duyan samtang grabe na ang paghubag ug pag-itom sa iyang mga bitiis.
Tungod sa kakulang sa lihok ug walay hunong nga pagtindog, naapektuhan ang sirkulasyon sa iyang dugo ug iyang panglawas.
Gikabalak-an sa uban nga posible kini mosangpot sa grabe nga komplikasyon nga mahimong manginahanglan og pagputol sa iyang mga bitiis kon magpadayon ang kahimtang.
Ang mga boluntaryo sa ilang templo maoy nag-atiman sa iyang panginahanglan ug regular nga nagbutang og ointment ug cream sa iyang mga bitiis aron mapagaan ang iyang kondisyon.
Nagpahimangno ang mga doktor nga ang dugay nga pagtindog mahimong makapadugang sa presyur sa mga ugat sa bitiis nga mahimong hinungdan sa paghubag, kasakit, ug seryosong kondisyon sama sa deep vein thrombosis o pagpundo sa dugo sa ugat nga delikado sa
