Mikunhod matud pa og 50% ang ihap sa mga CPP-NPA members nga nagpabiling galihok sa MAKIMA area Sarangani Province.
Matud pa ni Anhouvic Atilano, commanding officer sa 38th Infantry Battalion (IB) Philippine Army, gamay na lamang matud ang nahibiling miyembro sa nasampit nga walhong grupo nga naa sakop sa ilang lugar nga gibantayan.
Subay sa assessment, mukabat na lang karon sa 30 ka miyembro sa maong walhong grupo ang nahibilin gikan sa ilang pagbanabana nga 60 ka miembro sa tuig 2020.
Gibutyag ni Atilano, lima ka miyembro sa CPP-NPA ang mitahan sa ilang kaugalingon ning bulan lang sa Disyembre lakip niini ang hgh ranking official samtang 18 ang nagsurender sa 38th Infantry Battalion gikan Enero hangtod Disyembre.
Padayun ang panawagan sa kasundalohan sa mga miyembro sa walhong grupo nga mukanaog na sa patag og musurender.
Gipasalig sa mga nasampit ang pag-angkon og hapsay og malinawong kinabuhi kauban sa ilang pamilya kini pinaagi sa pagtabang kanila sa gobyerno kung asa hatagan ug maayong panginabuhian, cash assistance og daghan pa ilawom sa E-CLIP Program.
