Duha ka cardinal ang nangulo sa misa sa wala pa ang conclave o piniliay sa bag-ong lider sa Simbahang Katoliko.
Lakip kanila mao sila si cardinals Jean-Marc Noel Aveline ug Wilton Daniel Gregory nga nangulo sa misa sa managlahing simbahan.
Ang 66-anyos nga arsobispo sa Marseille, France nga si Aveline, gikonsiderar nga posibleng manununod ni anhing Pope Francis.
Nailhan siya sa iyang kaparehas nga ideolohiya sa namatay nga papa, labi na sa imigrasyon ug relasyon sa mga Muslim. Kung mapili siya nga sunod nga Santo Papa, si Aveline mao ang labing una nga papa sa Pransya sukad sa ika-14 nga siglo.
Samtang, si Wilton Daniel Gregory, kanhi arsobispo sa Washington, mao ang unang African-American cardinal sa simbahan nga gitudlo ni Francis niadtong 2020.
Siya ang nangulo sa misa sa Saint Mary Immaculate Parish, usa ka simbahan sa gawas sa Roma.
Sa Mayo 7, 2025, mokabat sa 133 ka mga kardinal ang gipaabot nga motambong sa Sistine Chapel aron mahimong contenders sa sunod nga pangulo sa simbahan.
