GENERAL SANTOS CITY – Hugot nga gitutukan sa Tupi PNP ang pagpusil patay sa mag-live in partner nga nakit-an sa kapinyahan nga bahin sa Barangay Kablon, Tupi South Cotabato.
Ang mga namatay ang giila ni Police Major Verlin Pampolina, hepe sa Tupi Municipal Police nga silang Alfred Omol 42 kauban ni Antoniette Faustino pulos molopyo sa Purok Lanton, Apopong ning syudad.
Sa imbestigasyon nga sa miaging adlawng Biyernes milakaw ang duha apan wala na nakauli sa ilang balay.
Hinoon nakit-an ang bangkay sabado sa buntag sa kapinyahan nga bahin nga daghan samad dinunggaban.
Narekober sa crime scene angmga basiyo sa caliber 45 pistol nga gituhu-ang gigamit pagpatay sa mga biktima.
Ang lalaki nakaangkon ug lima ka samad pinusilan nga ang tulo sa dughan og duha sa li-og.
Samtang sa ulo nga bahin ang babaye nga nakaangkon ug duha ka samad pinusilan sa wala ug tuo nga bahin sa nawong.
Ang Tupi PNP ang nakig-alayon sa pamilya sa mga biktima kung unsa ang ilang background aron masayran ang motibo sa pagpusil patay.
