GENERAL SANTOS CITY- Hugot gihapon ang pahimangno sa mga doktor sa tanan sa pagsunod sa minimum public health standard, bisan pa anaa sa Alert Level 1 ang COVID-19 restriction classification sa GenSan.
Matud kang Dr. Jett Oco, labaw sa City Health Office GenSan naangkon ang pinakaubos nga classification human nga nakab-ot ang mga criteria nga gipangayo sa National-IATF ilabina sa vaccination rate.
Gibutyag niini, ang average daily attack rate sa GenSan ang anaa sa low risk na og 11.05% ang natala nga total bed utilization rate mas ubos sa 50% nga requirement.
Sa karon 75.27% kun 404,187 ka indibidwal na ang fully vaccinated lampas sa gi-require nga 70% sa target population. Sa bahin sa senior citizens, anaa sa 70.75% kanila ang naturokan sa covid vaccine lampas kini sa gi-require nga 70% kun 32,030 fully vaccinated gikan sa target population.
Ubos sa Alert Level 1 status, gitugotan na ang interzonal travel hinungdan nga bisan may balatian , bata man o edaran wala nay restrictions sa pagbiyahe.Ikaduha, tanang establisiemento , mga tawo o mga aktibidad ang tugotan na mag-operate sa full o 100% seating capacity basta kanunayon lan ang pagsunod sa minimum public health standard apil ang pagkonsidera sa vaccination status.
