GENERAL SANTOS CITY – Miapila karon ang Department of Education (DepEd) sa mga ginikanan nga ipa-enroll ang anak kung wala pa maka-enroll alang sa school year 2020- 2021.
Matud pa ni Dr. Romelito Flores, GenSan Deped Superintendent, nga bisag nagsugod na ang klase pwede gihapon sila magdawat og mga magpa-enroll.
Daghan pa gihapon ang mga estudyante ang wala nakae-enroll ning higayona busa gaapila sa mga ginikanan nga patunghaon ang mga estudyante bisag may pandemnya.
Pwedeng mutawag sa hotline number nga gihatag sa matag eskwelahan o makig-alayon sa mga magtutudlo aron maka-enroll.
Sa Lunes Oktobre 5, 2020 magsugod ang opening sa klase sa school year 2020 – 2021.
Gipaklaro ni Flores nga dili lamang pinaagi sa online ang klase kung asa daghang modalities sila nga giandam aron nga makakat-on og leksyon ang mga estudyante.
Gibutyag nga kasagaran sa mga estudyante ang nag-enroll sa modular nga anaa sa kapin sa 127,000 samtang sa online anaa sa 13,000 ang mga estudyante.
Giangkon ni Flores nga daghang hagit nga ilang giatubang ning panahon sa pandemya apan dili magpalupig.
