Magatubang gihapon ang mga undocumented Filipino immigrants sa Estados Unidos sa deportation crackdown sa administrasyong Trump batok sa mga ilegal nga imigrants.
Matud kang Philippine Ambassador to the United States Jose Manuel Romualdez, nga may bag-o lang nga Filipino ang nakadawat ug notice nga i-deport sila pabalik sa Pilipinas. Bisan kung dili pa sigurado ang gidaghanon sa mga apektadong indibidwal, kadaghanan kanila gikataho nga naa sa mga estado nga adunay daghang komunidad nga Pilipino, susama sa California, New York, ug New Jersey.
Samtang giawhag Romualdez ang mga apektadong Pilipino nga kasamtangang nagpuyo sa U.S. aron makapangita og legal nga paagi aron sila magpabilin sa nasud.
Kahinumdoman nga kini nga crackdown subay sa mga taho niadtong Enero nga 24 ka mga undocumented Filipinos nga nalambigit sa “petty crimes” ang na-deport ubos sa administrasyon ni Biden.
Gihisgutan usab ni Romualdez ang posibilidad nga magpabilin ang mga Pilipino sa U.S. kung limpyo ang ilang immigration history. Ang Embassy midugang nga ang mga Filipino nga nagpuyo sa U.S.
sulod sa kapin sa lima ka tuig, ang pagtrabaho, ug pagbayad og buhis adunay mas taas nga kahigayonan nga mahimong legal ang ilang pagpabilin, ilabina kon sila misulod sa nasod nga adunay balido nga work visa, bisan kon kini mi-expire na. Hinuon, gipasiugda sa embahada nga lahi ang kahimtang sa mga nangabot nga adunay tourist visa.
Bag-ohay lang, gilusad sa U.S Ang Departamento sa Homeland Security nga nagpadagan ug kampanya nga nag-awhag sa mga ilegal nga imigrants nga boluntaryong mobiya ug likayan ang posibleng deportasyon.
Bisan pa sa nagpadayon nga pagsumpo sa imigrasyon, gipasalig ni Romualdez nga nagpabiling lig-on ang relasyon sa Pilipinas ug Estados Unidos ubos sa ikaduhang termino ni US President Donald Trump.
Sa laing bahin, ang Department of Foreign Affairs (DFA) ug Department of Migrant Workers (DMW) nigahin og pundo alang sa legal, financial, ug medical nga tabang alang sa mga apektadong Pilipino, samtang ang Department of Labor and Employment (DOLE) nagtanyag og suporta sa mga Filipino nga iuli sa Pilipinas.
