Gipunting sa mga tigpanukiduki ang pagbag-o sa klima mao ang pangunang hinungdan sa makadaot nga pagbaha sa Nepal ug Tibet nga mikalas sa kinabuhi sa kapin sa 1,300 ka mga tawo, human sa talagsaong taas nga temperatura nga natala sa wala pa mahugno ang ‘glacier’.
Tungod niini, ang Nepal nagsumite og pormal nga hangyo sa UN Loss and Damage Fund alang sa pinansyal nga tabang aron pagtubag sa mga kadaot nga gipahinabo sa baha, lakip ang pagpresentar og ebidensya nga nagkonektar sa katalagman sa krisis sa klima.
Nanawagan usab ang Nepal Foreign Minister nga si Shisir Khanal sa mga nasud nga adunay pinakadako nga ‘greenhouse gas emissions’, lakip ang China ug India, nga modawat sa pipila ka indibidwal nga responsibilidad alang sa katalagman.
Samtang, sa usa ka pakighinabi sa Star FM Bacolod uban ni Judy Pangani, Bombo International Correspondent sa Nepal, gipaambit niya ang iyang kasinatian atol sa kinapungkayan sa makamatay nga baha.
Sumala ni Pangani, bisan pa sa iyang kasinatian sa kalisang taliwala sa kalamidad, giuna gihapon niya ang seguridad ug kaluwasan sa iyang mga anak.
