GENERAL SANTOS CITY – Walay bailbond nga girekomenda ang korte sa kagawasan sa tulo ka mga suspek nga nasikop sa kasong robbery og pagpanglugos sa Malungon, Sarangani Province.
Ang mga naaresto mao silang John Lester Benlot alyas Dodong 19 yrs old og Elmar Geonzon alyas Alimar 20 yrs old og usa ka menor de edad.
Matud pa ni P/Major Robert Fores, deputy chief sa Malungon Municipal Police Station nga Ang usa sa duha ka suspects ang lakip sa top three most wanted persons sa municipal level.
Samtang ang menor de edad ang gitugyan na sa Tupi South Cotabato Rehabilitation Center.
Gibutyag nga natigayon ang tanan sa dihang nasikop ang menor de edad og mitug-an sa mga pulis sa laing kremin nga nahimo og kinsa ang mga kauban.
Gumikan niini naghimo og aksyon ang mga pulis nga nagresulta sa pagkadakop sa duruha.
Ang arrest warrant ang gi-isyu ni Hon. Presiding Judge Fatima K. San Pedro-Eugenio sa RTC Branch 46, sa Alabel, Sarangani Province.
